စိတ်ခံစားမှုအကြောင်း သင်ဘယ်လောက်သိသလဲ

စိတ်ခံစားမှုအကြောင်း သင်ဘယ်လောက်သိသလဲ

ဒေါက်တာနုမြတ်သိင်္ဂ ီဦး

56431461885b6795522611

၁။ တေးဂီတက စိတ်ခံစားမှုကို အမြဲကောင်းမွန်စေနိုင်တယ်

(က)မှန်

(ခ) မှား

အဖြေ  (ခ) မှား

တေးဂီတက စိတ်ခံစားမှုကို ကောင်းမွန်စေနိုင်တာမှန်ပေမဲ့ သင်နားထောင်တဲ့ ဂီတ အမျိုးအစားပေါ်မူတည်ပါသေးတယ်။ လေ့လာချက်အရ ဂီတပညာရှင်မိုးဇက်ရဲ့ ဂန္ထဝင်တေးသွားနားထောင်သူတွေရဲ့ စိတ်ခံစားမှုတေါပိုမိုကောင်းမွန်နေတာမျိုးတွေ့ရပေမဲ့ တချို့တူရိယာဂီတနားထောင်နေစဉ်မှာ ပုံမှန်အတိုင်းဖြစ်နေတာမျိုးတွေ့ရပါတယ်။ ခြောက်ခြားဖွယ်ဇာတ်ကားတွေရဲ့ ဇာတ်ဝင်တေးသွားတွေ နားဆင်ရတဲ့ အခါမျိုးမှာ ပိုလို့တောင်ဆိုးရွားနေတာကိုလည်း တွေ့ရပါတယ်။

၂။ ဒီထဲက ဘယ်အစားအစာက စိတ်ခံစားမှုကောင်းစေနိုင်သလဲ

(က)သံလွင်ဆီ

(ခ)ဆယ်လ်မွန်ငါး

(ဂ)Walnuts

(ယ)အပေါ်ကအစာအားလုံး

အဖြေ (ယ) အပေါ်ကအစာအားလုံး

သံလွင်ဆီများစွာစားသုံးသူတွေမှာ စိတ်ကျရောဂါဖြစ်နိုင်ချေနည်းတာမျိုးတွေ့ရပါတယ်။ ဆယ်လ်မွန်ငါးနဲ့ Walnut တွေကတော့ စိတ်ခံစားမှုကောင်းစေတဲ့ အိုမီဂါ ၃ ဖက်တီးအက်ဆစ်တွေ များစွာ ကြွယ်ဝနေပါတယ်။ တချို့လေ့လာချက်တွေအရ ကယ်လိုရီများစေတဲ့ အဝစာတွေက စိတ်ညစ်မှုကိုပယ်ပျောက်စေနိုင်တာကြောင့် စိတ်ညစ်ရင် ပိုပြီး အစာစားမိတာမျိုး ဖြစ်တတ်ကြပါတယ်။

၃။ သူစိမ်းတွေနဲ့ ပြောဆိုဆက်ဆံခြင်းက သင့်စိတ်ကို ဘယ်လိုဖြစ်စေနိုင်သလဲ

(က) ဘာမှ မဖြစ်စေဘူး

(ခ) ပိုဆိုးစေတယ်

(ဂ) ပိုကောင်းစေတယ်

(ယ) ပြောနေတုန်းတော့ပိုကောင်းစေပေမဲ့ ပြီးရင် ပိုဆိုးသွားရော

အဖြေ (ဂ) ပိုကောင်းစေတယ်

သူစိမ်းတွေနဲ့ စကားစမြည် ပြောဆိုခြင်းက စိတ်ခံစားမှုကို ပိုကောင်းစေနိုင်ပါတယ်။ ကျွန်မတို့ရဲ့ မသိစိတ်က သူစိမ်းတွေရှေ့မှာ လူအထင်ကြီးအောင်နေတတ် ပြောဆိုတတ်ပြီး ရွှင်ပြလေ့ရှိတာကြောင့် စိတ်ခံစားမှုကိုပါ ပိုပြီး ကောင်းစေတာပဲ ဖြစ်ပါတယ်။

၄။ ဘယ်လိုစိတ်အခြေအနေမျိုးရှိနေချိန်မှာ လူတစ်ယောက် လိမ်နေတာကို ဖမ်းမိသိရှိနိုင်မလဲ။

(က) စိတ်ကောင်းဝင်နေချိန်

(ခ) စိတ်ကောင်းမဝင်ချိန်

(ဂ) ပုံမှန် စိတ်အခြေအနေ

အဖြေ (ခ) စိတ်ကောင်းမဝင်ချိန်

လူတွေစိတ်ကောင်းဝင်နေချိန်မှာ အယုံလွယ်တတ်ကြပြီး စိတ်ကောင်း မဝင်ချိန်မှာတော့ သံသယတွေ ကြီးစိုးနေတတ်ပါတယ်။ ဒါကြောင့် စိတ်ကောင်းမဝင်တဲ့သူတွေ စိတ်တိုစိတ်ဆိုးနေသူတွေက ကိုယ့်ကိုယ် သူများလိမ်လည်လှည့်ဖြားနေတာကို ရိပ်စားမိတတ်ကြပြီး  စိတ်ကောင်းဝင်သူတွေ ပျော်ပျော်နေတတ်သူတွေကတော့ လွယ်လွယ်နဲ့ အရူးလုပ်ခံကြရပါတယ်။

၅။ စိတ်ခံစားမှုတွေက ကူးစက်တတ်တယ်။

(က)မှန်

(ခ)မှား

အဖြေ (က)မှန်

လေ့လာချက်တွေအရ ပျော်ရွှင်တဲ့သူတွေအနီး နေထိုင်သူတွေဟာ ပျော်ရွှင်မှုတွေ ကူးစက်နေတတ်ကြပြီး စိတ်ဓာတ်ကျနေသူတွေနဲ့ ပေါင်းသင်းနေထိုင်ပါက ကိုယ်ပါလိုက်ပြီး စိတ်ဓာတ်ကျနေတတ်ပါတယ်။ လူတွေရဲက ပျော်ရွှင်မှုဆိုတာ သူတို့နဲ့ ပတ်သက်ဆက်နွယ်နေသူတွေရဲ့ ပျော်ရွှင်မှုနဲ့ ဆက်စပါ၏်နေတတ်ပါတယ်။ လူတစ်ယောက်ကို အား၇ပါးရ နှစ်နှစ်ခြိုက်ခြိုက်ကြီး ပြုံးပြပါက အပြုံးခံရသူမှာပါ အပျော်တွေကူးစက်သွားတာ အသိသာကြီးပါ။

၆။ လေ့ကျင့်ခန်းလုပ်ခြင်းက စိတ်အခြေအနေကို ဘယ်လိုပိုကောင်းစေသလဲ။

(က) neuron အသစ်တွေဖြစ်ပေါ်စေခြင်းအားဖြင့်

(ခ) ဦးနှောက်ထဲ သွေးပိုရောက်စေခြင်းအားဖြင့်

(ဂ) ဒိုပါမင်း ဟော်မုန်းပိုများစေသောအားဖြင့်

(ယ) အပေါ်က အချက်အားလုံး

အဖြေ (ယ) အပေါ်က အချက်အားလုံး

ဟုတ်ပါတယ်။ လေ့ကျင့်ခန်းလုပ်ခြင်းက ဦးနှောက်ထဲ ဦးနှောက်ဆဲလ်တွေကို အသစ်ဖြစ်ပေါ်စေသလို ဦးနှောက်ဆီလည်း သွေးရောက်ရှိမှုလည်း ပိုကောင်းမွန်စေကာ စိတ်ခံစားမှုကောင်းစေတဲ့ ဆီရိုတိုနင်နဲ့ ဒိုပါမင်ဟော်မုန်းတွေလည်းထွက်ရှိစေပါတယ်

၇။ လူတွေဟာအသက်ကြီးလာလေ စိတ်တိုစိတ်ဆိုးလွယ်လေပဲ။

(က)မှန်

(ခ)မှား

အဖြေ (ခ)မှား

လူတွေဟာ အသက်ကြီးလာလေ သည်းခံနိုင်စွမ်းများလာပြီး အကောင်းမြင်လာလေပါ။ သူတို့နေရမယ့်နှစ်တွေ အချိန်တွေ သိပ်မကျန်တော့ဘူးဆိုတာကို သတိထားမိလာတာကြောင့် မသိစိတ်ကရော အသိစိတ်ကပါ ကောင်းတာလေးတွေပဲတွေးပြီး ပျော်ပျော်နေတတ်လာတာပါ။

၈။ ဆေးလိပ်သောက်တတ်သူတွေ ဆေးလိပ်ဖြတ်တဲ့ အချိန်မှာ စိတ်ခံစားမှုမကောင်းတတ်ကြဘူး။

(က) မှန်

(ခ)မှား

အဖြေ (ခ)မှား

ဆေးလိပ်ဖြတ်ဖို့ကြိုးစားနေချိန်မှာ အခ့ရခက်တာမှန်ပေမဲ့ တကယ်တန်းပြတ်သွားပါက ပိုပြီးတောင် စိတ်ကြည်လင်လန်းဆန်းနေမှာပါ။ ဒါပေမဲ့လည်း ဖြတ်ဖို့ကြိုးစားပေမဲ့ တကယ်တန်းမဖြတ်နိုင်တဲ့ အခါမျိုးမှာတော့ စိတ်အခြေအနေ ပိုဆိုးနေတတ်ပါတယ်။

၉။ စိတ်ကောင်းဝင်နေချိန် ဒီလိုဖြစ်နေတတ်တယ်။

(က) ယေဘူယျကျနေတတ်

(ခ) အယူသီးတတ်

(ဂ) စွန့်စားတတ်

(ယ) အပေါ်က အချက်တစ်ချက်မှ မဟုတ်

အဖြေ (ခ) အယူသီးတတ်

လေ့လာချက်အရ စိတ်ကြည်လင်နေသူတွေဟာ စိတ်မကြည်သူတွေထက်စာရင် ပိုလို့ အယူသီးနေတတ်တာကို တွေ့ရပါတယ်။ ပျော်ရွှင်နေသူတွေဟာ လက်တွေ့ကျကျမကျကျ မသိစိတ်ကို အလိုကိုလိုက်တတ်ကြတာကိုလည်း တွေ့ရပါတယ်။ ဘာကြောင့်လည်းဆိုတော့ သူတို့ စိတ်ထင်ရာလုပ်ခဲ့တာတွေက သူတို့ ကို ပျော်ရွှင်စေတာကြောင့်ပါ။

၁၀။ ရာသီဥတုက စိတ်အခြေအနေကို ပြောင်းလဲစေနိုင်တယ်။

(က) မှန်

(ခ)မှား

အဖြေ (က) မှန်

ဟုတ်ပါတယ်။ နေသာချိန် နေရောင်မြင်ရချိန် စိတ်တက်ကြွလန်းဆန်းနေတတ်ပြီး မိုးအုံ့ တိမ်ထူရင် စိတ်ကပါ မှိုင်းနေတတ်ပါတယ်။ နေအရမ်းပူနေချိန်မှာတော့ စိတ်တိုစိတ်ဆတ်ဖြစ်လွယ်ကြပါတယ်။

ဒေါက်တာနုမြတ်သိင်္ဂ ီဦး

Dr Nu Myat Theingi Oo

Good Health Journal

The Chic Magazine

The-Mood-Meter-750x325.jpg


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s