ကျန်းမာရွှင်လန်းစေနိုင်တဲ့ အသက်ရှူနည်းအမျိုးမျိုး

အသက်ရှူလေ့ကျင့်ခန်းတွေဟာ ရင်ကြပ်ရောဂါရှိသူတွေကို ရင်ကြပ်သက်သာတဲ့ ရှူဆေး(Inhaler)တွေ သုံးစွဲရနှုန်း လျော့နည်းစေပါတယ်။ ဒါ့အပြင် တချို့အသက်ရှူနည်းတွေဟာ စိတ်ပူပန်မှုတွေကို လျော့နည်းသက်သာစေရုံမျှမက လုပ်ဆောင်မှုတွေကိုပါ ကောင်းမွန်စေတာကို တွေ့ရပါတယ်။

♥ အိပ်ပျော်စေဖို့ ( အသံထွက်အသက်ရှူနည်း )

အသံထွက်ခြင်းဟာ အသက်ရှူထုတ်ရာမှာ ပိုမိုလွယ်ကူချောမွေ့စေပါတယ်။ အသက်ပြင်းပြင်းရှူသွင်းကာ အသက် ရှူထုတ်တဲ့အခါ “အွမ်း”(mmm)ဆိုတဲ့အသံနဲ့ ရှူထုတ်ပြီး စိတ်ပြေလျှော့အနားရတဲ့အထိ ပြုလုပ်ပါ။ ဘေးပတ်ဝန်းကျင်မှာ လူတွေရှိလို့ အသံထွက်ရခက်ခဲနေရင်တော့ အသက်ပြင်းပြင်ရှူသွင်း၊ ရှူထုတ်ကာ ခဏရပ်ပြီးမှ နောက်ထပ်တစ်ခါထပ်ရှူ သွင်း၊ ရှူလုပ်ပါ။

♥ လုပ်ဆောင်မှုတွေကောင်းမွန်စေဖို့ ( နှာခေါင်းပေါက်တစ်ဖက်စီအလှည့်ကျအသက်ရှူပါ )

ဒီလိုမျိုးအသက်ရှူနည်းဟာ စိတ်တွေကို အာရုံစိုက်စေတဲ့အတွက် အသိဉာဏ်ပညာကောင်းမွန်စေပြီး အားကစား လုပ်ဆောင်မှုတွေကိုပါ ပိုမိုကောင်းမွန်စေနိုင်ပါတယ်။ ညာဘက်နှာခေါင်းပေါက်ကို ညာဘက်လက်မဖြင့် ပိတ်ကာ အသက်ရှူ ထုတ်ပါ။ ပြီးရင် ဘယ်ဘက်နှာခေါင်းပေါက်နဲ့ အသက်ရှူသွင်းပါ။ ပြီးတဲ့အခါ ဘယ်ဘက်နှာခေါင်းပေါက်ကို လက်သူကြွယ်နဲ့ လက်သန်းနဲ့ပိတ်ကာ ညာဘက်နှာခေါင်းပေါက်နဲ့ အသက်ရှူထုတ် ရှူသွင်းပြုလုပ်ပါ။ ငါးကြိမ်လုပ်ပါ။ အသက်ရှူသွင်း ရှူထုတ် တဲ့အခါ ဖြည်းဖြည်းနဲ့ ခပ်ပြင်းပြင်းရှူသွင်း၊ ရှူထုတ်ပါ။

♥ ခေါင်းမကြည်တာတွေလျော့စေဖို့ ( ဝမ်းဗိုက်နဲ့ အသက်မြန်မြန်ရှူနည်း )

သက်ရဲ့လည်ပင်း၊ ပခုံးနဲ့ မျက်နှာတွေကို ဖြေလျော့ထားကာ ဝမ်းဗိုက်ကို ရှုံ့သွင်းလိုက်ပြီး အသက်ပြင်းပြင်းအားနဲ့ ရှူထုတ်လိုက်ပါ။ ပြီးရင် ဝမ်းဗိုက်ကို ဖြေလျော့ကာ အသက်ရှူသွင်းပါ။ တစ်ကြိမ်လုပ် အသက်ရှူသွင်း၊ ရှူထုတ်ဆယ်ခါနဲ့ စုစု ပေါင်း သုံးကြိမ်လုပ်ပါ။ ကိုယ်ဝန်ဆောင်နေတဲ့အချိန်၊ ဓမ္မတာသွေးဆင်းနေတဲ့အချိန် ဒါမှမဟုတ် သွေးတိုးရောဂါ၊ အူကျွံရောဂါ ရှိနေသူတွေမှာ မလုပ်သင့်ပါဘူး။

♥ အားအင်တွေမြင့်တက်စေဖို့ ( အပိုင်းလိုက်အသက်ရှူနည်း )

ဒီနည်းဟာ အသက်ပြည့်ပြည့်၀၀ရှူသွင်းခြင်းဖြင့် အဆုတ်တွေထဲကို အောက်ဆီဂျင် ပိုဝင်စေနိုင်ပါတယ်။ သင့်ဝမ်း ဗိုက်ပြည့်တဲ့အထိ အသက်ရှူသွင်းပြီး ဝမ်းဗိုက်ကို ဖြည်းဖြည်းချင်းရှုံ့ကာ အသက်ရှူထုတ်ပါ။ ပြီးတဲ့အခါ ဝမ်းဗိုက်နဲ့ ပခုံးကို ငြိမ်ငြိမ်ထားကာ နံရိုးတွေကားတဲ့အထိ အသက်ရှူသွင်းပါ။ နံရိုးတွေကို ဖြည်းဖြည်းချင်းဖြေလျော့ပြီး အသက်ရှူထုတ်ပါ။ အဲဒီ နောက် ဝမ်းဗိုက်ကို နည်းနည်းရှုံ့ထားကာ နံရိုးတွေကိုလည်း နေရာမရွေ့စေဘဲ ပခုံးကို မြှင့်တင်လိုက်၊ ပြန်ချလိုက်လုပ်ကာ အသက်ရှူသွင်းရှူထုတ်ပေးပါ။ နောက်ဆုံးမှာ ဒီအသက်ရှူနည်းသုံးမျိုးစလုံးကို ပေါင်းလိုက်ပါ။ ဝမ်းဗိုက်ကနေစကာ နံရိုးနဲ့ ဆက်အသက်ရှူပြီး ပခုံးအသုံးပြုအသက်ရှူကာ အဆုံးသတ်လိုက်ပါ။

♥ ရင်ကြပ်ရောဂါသက်သာစေဖို့ ( ဝမ်းဗိုက် အသုံးပြုကာ မြန်မြန်ရှူနည်းနဲ့ အပိုင်းလိုက်ရှူနည်း )

အပိုင်းလိုက်အသက်ရှူနည်းဟာ သင်ရဲ့အဆုတ်တွေ အားလုံးကို အသုံးပြုပြီး ဝမ်းဗိုက်အသုံးပြုအသက်အမြန်ရှူနည်း ကတော့ အဆုတ်တစ်သျှူးတွေကို လှုံ့ဆော်ကာ ရင်ဘတ်ကြွက်သားတွေကို ဖြေလျော့ပေးနိုင်ပါတယ်။ နှာခေါင်းပေါက်နဲ့ အသက်ရှူခြင်းကလည်း ရင်ကြပ်ရောဂါကို သက်သာစေနိုင်ပါတယ်။ ပါးစပ်ကနေ အသက်ရှူလိုက်တဲ့အခါ လေတွေဟာ နှာ ခေါင်းကနေတဆင့် မဖြတ်ဖြစ်တဲ့အတွက် လေတွေလေသန့်ရှင်းမှုပိုနည်းကာ၊ လေပိုခြောက်သွေ့ပြီး ပိုအေးတာကြောင့် လေလမ်းကြောင်းကို သွားဆွကာ ရင်ကြပ်ရောဂါကို ပိုဆိုးစေနိုင်ပါတယ်။

♥ စိတ်ပူပန်မှု သက်သာစေဖို့

စိတ်ဖိစီးမှုနဲ့ကြုံတွေ့တဲ့အခါ အသက်ပိုရှူထုတ်မိတဲ့အတွက် ကာဗွန်ဒိုင်အောက်ဆိုဒ်ဓာတ်ငွေ့အများကြီး ဆုံးရှုံးသွား ပြီး စိတ်ပူပန်မှုတွေ၊ စိတ်ဖိစီးမှုတွေနဲ့ ပိုကြုံတွေ့လာရတတ်ပါတယ်။ စိတ်ပူပန်မှုနဲ့ဆက်စပ်တဲ့ ရောဂါအခြေအနေတွေကို ရင်ဘတ်နဲ့ ဝမ်းဗိုက်ကြားရှိ ကြွက်သားပြားကြီးကို အသုံးပြုပြီး အသက်ဖြည်းဖြည်းခြင်းရှူတဲ့နည်းနဲ့ သက်သာလာစေနိုင်ပါ တယ်။ အစာခြေအဖွဲ့အစည်းနဲ့ သွေးလည်ပတ်မှုတွေကိုပါ ကောင်းမွန်စေနိုင်ပါတယ်။

ဒေါက်တာနုမြတ်

Good Health Journal

TiltedFaceBreath


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s